***ياسر محمد أيوب***
أيام صعبة
أيام صعبة بجد ف حياتى
ذادت فيها جرحى واهاتى
بكا ودمع وحزن ليلاتى
راحت اجمل أيام حياتى
قالوا الناس عليا فنان
ميعرفوش أنى تعبان
وقالوا عليا كمان شاعر
بس ماتت فيا المشاعر
يا ألف آه ع اللى جوايا
مين يسمع منى الحكاية
أيام صعبة بجد عليا
واقرب ماليا جاى عليا
يلى غاوى تسمع احزان
أسمع حكايتى بدون عنوان
أمنت لناس لكن خانونى
وبسهم الغدر والله ضربونى
ولا صانوا عيش ولا ملح
هما السبب ف كل جرح
عملت ياما أنا ليهم
بس هما الغدر ماليهم
عملت من المر شهد
عشان اديهم
لقيت الأسى كله فيهم
حاولت كتير أراضيهم
لقيت الغدر طبع فيهم
اكيد اللى اتربى ع الغدر
صعب يوم يكون حر
جوايا أنا كتير هموم
ومن غدرهم كمان مهموم
أيام صعبة في حياتى
ذادت فيها جرحى واهاتى
خواطر عن أيام صعبة
كلمات
شاعر الجنوب
ليست هناك تعليقات:
إرسال تعليق