ديوان أكاليل الإلكتروني لسفراء القلم

بقلم

أحمد طلبه
**********

للخيانه ألف عذر
أصعب حاجه عايشاها
بإني حقيقي صبره معاك

لا حاجه حلوه شايفاها
ولا حتي اللي من جواك

وعارفه ان انت بتخوني
وراضي ان انت تألمني
وليه راضي كدا تهيني
حقيقي بجد مش عارفاك

كتير شايفه الحياه وياك
حياه صعبه مليها المر
وبسأل روحي ليه شارياك
ولا فِي حاجه بنا تسر

ولا شايفاك بتتغير
تقولي عقلي انا صغير
ماهي حاجه كدا تحير
تخوني ازاي وليك العذر

================
معاك ديماً بكون تايهه
ولا برسا في يوم علي بر

ولا عارفه لفين رايحه
ولا حاسه بقلبي انا حر

وحاسه أيوه بخيانتك
هتفضل ليا طول العمر

وعايشه برده فــ حكايتك
ومش لأقيه لبعدك عذر

وهعمل إيه بخوفي عليك
وبتمني ربنا يهديك
ياريتني ماكنت يوم أنا ليك
لكن قدري ما منه مفر

كتير شايفه الحياه وياك
حياه صعبه مليها المر
وبسأل روحي ليه شارياك
ولا فِي حاجه بنا تسر

ولا شايفاك بتتغير
تقولي عقلي انا صغير
ماهي حاجه كدا تحير
تخوني ازاي وليك العذر
=================