ديوان أكاليل الإلكتروني لسفراء القلم

بقلم

.امل الشابي
**********

#البكاء
ليه معظمنا بيشوف البكا حزن ؟؟
البكا وجع وألم ؟؟
بيشوف البكا ضعف ؟
ليه بنعتبر دايماً إن البكا عرض لأي مشاعر سلبية وبس ؟
ليه بنربي أولادنا على إنهم مابكوش أدام حد .. بنقولهم عيب !!!؟؟؟

بننسى إن البكا أوقات كتير بيكون تعبير عن أروع المشاعر الإنسانية ...

زي جمال وروعة البكا لحظة نشوة الحب الصادق ❤ سواء كان الحب بين حبيبين 💑 أو صديقين 👬 أو بين ذوي رحم 👨‍👩‍👧‍👧 ...

ولا روعة البكا في لحظة قمة العشق للوطن لحظة ما تغني من قلبك بلادي بلادي لكِ حبي وفؤادي ...

ولا عذوبة البكا لحظة الرحمة بطفل 🧒 أو ست عجوزة 👵 محتاجينك ...

أو حتى بكا السعادة الغامرة بنجاح 🎓 .. بفوز 🏆 .. أو بلقا الإيدين والعينين بعد طول وحشة 💏

البكا برضو أحيان كتير بيكون شعور إنساني راقي بمظلوم محتاج لنصرتك ودعاءك 🤲 .. بمريض محتاج لإيد حنينة واهتمامك 🤝 .. أو بفقير محتاج كلمة حلوة قبل المساعدة ...

فعلا ...
بننسى إن البكا مشاعر إنسانية جميلة وبريئة المفروض نتشرف بيها مش نتكسف منها ...
وبننسى إن كبت مشاعرنا هو الوجع الحقيقي والقسوة بعينها
بننسى إن ربنا خلق لنا دموعنا علشان تنزل تغسل نفوسنا وتطهرنا من ذنوب كتير حجَّرت مشاعرنا وقلوبنا ..
ربنا ماخلقش دموعنا أبداً علشان تتحبس وتتسجن معاها أحاسيسنا .
.
.
نصيحة لله ...
#رفقاً بأرواحكم النقية ...
إبكوا .. اغسلوا نفوسكم بماء طهور خلقه ربنا في جفونكم
إبكوا .. انطلقوا في التعبير عن مشاعركم
إبكوا .. عيييشوووا وحسسسوووا .. افرحوا أو اتألموا المهم قلوبكم تحس زتعبر عن أحاسيسها بفطرتها الطيبة .

الدموع عمرها ما كانت ولا هتكون ضعف .. دي دموعكم لحظة ما بتلمس خدودكم بتفكركم بإنسانيتكم وبتحسسكم إنكم محتاجين تتحركوا .. تساعدوا .. تفرحوا .. ترقصوا .. تدعوا ربنا .. تهدوا الجبال
دموعكم هي الآاااااه اللي هتخليكم تكسروا الصخر لأنكم هتصدقوا بيها مشاعركم

وأخيراً ...
إبكوا .. فإن منتهى كل المشاعر الصادقة بكاء ......
........................................صباح الفل والورد والياسمين