ديوان أكاليل الإلكتروني لسفراء القلم

بقلم

الشاعر وليد فتحي
**********

مات الحب 😥💔
يوم مالمحت الايد في الايد
وانت ف حضن التاني بعيد
رغم ده كله انا قولت اكيد
بالتأكيد خاني الاحســــاس
قولت انا لازم افوت جنبيك
جايز واحد يشبه ليك
يمكن عيني من حبها فيك
بتشوفك في عيون الناس .
ومشيت ساحب عمري معايا
ماشي وخايف من جوايا
بدعي يارب يكون مش هو
ويكون واحد شبهه كفايه .
واما وصلت وكنت تالتــكم
شوفت غرام الكون في عيونكم
واتأكدت انا من لهفتكم
ان ماضينا وكل مالينا
مايجيش ابدآ م اللي انا شوفته
ذرة حب😥مات الحب😥
عمري ماهنسا يااعظم جاني
وانت مابين احضان التاني
ذي غريق متشعلق فيه .
مهما اتغرب بين ايامي
صوره هتفضل كده اودامي
وانت اديك ملفوفه عليه .
ياه ع المنظر وانت ف حضنه
من حضنك مش باين حضنه
حتي الضل مهوش ضلين .
واللي يشوفكم غصبآ عنه
اول كلمه هتطلع منه
مش معقوله يكونو اتنين .
مشهد عمري عمري ماشوفتو
لا ف حلم ولا ف فيلم دخلتو
ولا جه ف بالي وانت قوبالي
ولا حتي لوحدي اتخيلتو .
حبيت قبلك ياما كتير
ولا واحد كان عنده ضمير
يبقا انا ليه هستغرب ليه
ماانا عايش علي زمن الكدب
يعني مليش الحق مليش
حتي اني اسأل فين الحب .
مات الحب 😢😢😢
كل ماافكر في الايام
وكلامك ياابو احلي كلام
بسأل نفسي واقول كان ليه .
واما الحب مهوش جواك
لزمته إيه كلمة بهواك
وكلام ياما حلفت عليه
ياه ع المنظر كل ماافكر
بتخيل صورتك بتأثر
وبقول ياه ع البنأدمين .
ماشي معايا وعينك منه
ايدي ف ايدك قلبك عنده
عمال تلعب ع الجنبين .
قولت كتير من غيرك ميت
قولت ده عهد عليا وأيد
ونغيب تاني انشالله ثواني
قال ايه بتبقا ف حكم الميت .
واتاريه كله كلام افلام
رحله طويله من الاوهام
من اولها لحد اخرها
مبنيه ع الهوا والكدب .
لو اسميها راح اسميها
اقوي واعظم قصة كدب .
😥 مات الحب 😥