................
محمد البراقي
................
"القرقوبي"
مكتوبي يا مكتوبي
شحال من شاب
داوي وحدو كيجدب
خرج عليه القرقوبي....
القرقوبي
كيهبل لعقل
ؤكيضعف القلب
سالو الطليب
لا تسالو لمجرب.....
مول القرقوبي
ديما ريوگو سايلة
على الوجود غايب
بلا ما يشعر
كيلق راسو وسط لمصايب...
مول القرقوبي
كيشرط لحمو بزيزوار
كاسر الدرب ليل ونهار..
مول القرقوبي
محرر العيشة على والديه
هدي في فمو وهادي تتسنا
ما يسكت حتى يتقاضا
الجهد ليه.....
القرقوبي
عجوبو عجب
كيوصل مولاه للجهل
يقدر يسب يقدر يضرب!
القرقوبي
نقمة منو تفرقت النقايم
للي كيستعملو
حسبو بهيمة من لبهايم!!
القرقوبي تخدير
كيخلي صاحبو من لحصير
كيصيفطو للحبس يلا دار فيه الخير!!!
11/2/2022
بقلم محمد البراقي
ليست هناك تعليقات:
إرسال تعليق