......................
وحيد محروس
.............
(( أنا طيب )))
أغنية شعبية
أنا طيب وعايش بالأصول
وظلماني الدنيا وجاية عليا
وتعباني بشكل مهوش معقول
وكأن مفيش غيري ضحية
.................................
ولا أبص للي ف إيد غيري
وأقل القليل بيكفيني
بيحكمني ربنا وضميري
ليه في عز الفرح تبكيني
...............................
أنا شايف نفسي وحيد وفريد
لا المكان مكاني ولا دا زماني
غُلبت أبرر وأعيد وأزيد
ليه عاملة ليه مش سمعاني
.............................
بتضحك لغيري ونسياني
وبتدي للي مايستهلوش
وعشان عزة نفسي منعاني
عايش بساريا مابين قروش
.............................
دايماً في الفرح نسياني
وأقول لروحي قدر ونصيب
وشكرك تملي على لساني
ماهي الشكوى ياربي لغيرك عيب
.............................
بترفع ناس وتوطي ناس
وعلى الغلابة تدوس وتفوت
مات الضمير ومفيش إحساس
الناس يعيشوا وإحنا نموت
............................
علينا دايماً بتستقوى
وعلشان فقراء علينا تدوس
وإللي معاه المال هو الأقوى
وبيتحكم فينا كأنه كابوس
............................
دنيا غريبة ماشية بالمقلوب
وأهي عيشة وبنحايل فيها
والوضع مشين وكله عيوب
لو هيبقى حاميها حراميها
............................
أنا طيب
بقلمي الشاعر/ وحيد محروس
ليست هناك تعليقات:
إرسال تعليق