.................
هشام سليم
كنج العربي
شاعر الحرافيش
..................
وبما إن الحياة أيام
وفيها إزاي وفين وبكام
وفيها الفرح وفيها الجرح والآلام
وفيها حقيقة تتوه ف حريقة وفيها أفلام
وفيها ناس تخون الملح تسبب جرح ونوعه خام
وفيها الخير وفيها الشر حسد وأر وده ياخلق مش أوهام
وفيها ضمير وناس كتير من غير ضمير دينهم كلام
وفيها بوسة وفيها كوسة وناس مهروسة بالأقدام
وفيها فساد وفيها عناد وناس قريبة وبعد دام
وناس عايشة وناس طايشة وناس مقتولة بالأوهام
وناس محبوبة وناس مركوبة تعيش لسيادها ياناس خدام
وناس تتحكم وناس تتهكم وناس بتاجر بالإسلام
يعني اللي عايش فيها قليل والسعد فيها ياخلق بخيل متلام
بنمسك فيها ليه ؟
باقيين عليها ليه؟
حاطيين نفسنا ف ملام
الدنيا فانية غرورة خاينة بتمر علينا يادوب أيام
هشام سليم
كنج العربي
شاعر الحرافيش
الإسكندرية مصر
ليست هناك تعليقات:
إرسال تعليق