...........
رانيا محجوب
......................
( الناس ألوان)
طب قولي بس ماله الرمادي
ماهو برضه يمشي وكله عادي
مالدنيا مش ابيض واسود
يااما تلزق.......... يااما تبعد
ولاشرط تعشق يااما تحقد
وان ماتحسبت حبيب علينا
تبقى لازمن من الاعادي
مالدنيا فيها.......... وفيها
وناس كتير ياما حتلاقيها
فيها اللي صالح
وفيها خدام المصالح
فيها اللي جاي وفيها اللي رايح
فيها اللي ساكن بين ضلوعي مهما غاب
وفيها اللي غايب حتى لو كان قصادي
اعرف مكانك في القلوب قبل ما تقرر تدوب
واوعى تشطح في الاماني احلم على قدك يدوب
اصل كسر النفس واعر والعشم كداب وقادر
يخدعك يوجعك يرزعك من فوق جبل لحضن وادي
في ناس قريبة وناس غريبة وناس رهيبة
وناس وشوشها حنان وطيبة وناس صعيبة
وناس محتاجة المساعدة وناس مادالاك أيادي
ولكل واحد في الدنيا لون وان كان تكون
فلا تنخدع ولا تتوجع ولا تبقى ندل ولا تخون
وساعتها بس حتكون سعيد وحاتبقي راضي
رانيا محجوب
ليست هناك تعليقات:
إرسال تعليق