ديوان أكاليل الإلكتروني لسفراء القلم

 ..................

 جمعه الجر 

.................

.هربتى ليه..

هربتى ليه..

خايفه منى ولا منك..

من وجودى جوا قلبك..

من حنينك لما تفتكرينى فى بعادك..

من عنادك ومن عنادى..

من عنيكى لما ااقبلك واسألك..

لساكى فاكره ولا نسيتى وكله عادى..

تحتارى فى جوابك تهربى..

وتقومى ماشيه من قصادى...

ياه عليا بنجرح م الذكريات..

لسه شايل جوا منى ذكرى منك..

فاكره الجواب ايوا الجواب..

كنتى ملياه بالعتاب..

لما انشغلت عنك حبتين..

معقوله أقدر انشغل عن عيونى..

ونبض قلبى والحنين...

كل دا كان كدب منك ولا ايه..

فى حد غيرى عذبك..

وانتى منى بتخلصيه..

ولا هويتك اللعب بقلوب الطيبين..

فاكره اول ما اتقبلنا من سنين..

وصرخة عنيكى بالكلام المحبوس..

فوق شفايفك الدبلانين...

يومها ابتسامتى فتحت..

ادام عنيكى كل البيبان المقفولين...

شوفت ابتسامتك نورت ضلمة حياتك..

زانت ملامحك ضحكت شفايفك والعنين...

ماكنتش اعرف ان الثمن..

كسرة مشاعرى وظلم قلبى..

وان اخلاصى لمشاعرك..

كان هو ذنبى..

وانى ببنى لغيرى يسكن..

حبتينى اولها يمكن..

وأما رجعتلك طبيعتك..

قومتى بعتينى فى ثوانى..

واتغيرتى لحظتها..

وكأنك حد تانى..

بس اوعدك..

مش هغير من طبعتى..

هفضل القلب اللى يوفى..

مليانى طيبتى..

وأن قابلت واحده زيك..

هبعد وافكر مرتين...

جمعه الشاعر جمعه الجر