.................
سيد فتح الله
.................
من غير ميعاد
"""""""""""""""""
شوفتك فى وسط البلد
القلب قاد
والحب بينا إتولد
من غير معاد
والعقل منى إتخطف
وقلبك القياسى عطف
واتربط حبل الوداد
*****
قولتلك ساعتها كلام
ما فهمتهوش
وسيبتك وعندى كلام
ما قولتهوش
سيبتك ونفسى أستنى
وقلبى يقولى إتانى
هاتعيش وياها فى الجنة
ما صدقتوش!!!!
*****
قولت أبعد ،يمكن أقدر أتوب
لاقيتنى بأسى على المكتوب
وبأقطع حبال الشوق
إللى نازله من السما
تربط قلوبنا بشوق
العيون المغرمة
نصب لى قلبى محكمة
وقالى دايب فيكى دوب.
*****
سيبتك وقلبى معاكى
تعبت وضنانى هواكى
وانتى مشغوله بدلالك
شايفه فى عيونى جمالك
وأقول لنفسى، أرجع لنفسى
تقولى نفسى ، والله نفسى
أسعد بقربى معاكى.
*****
شعر / سيد فتح الله
ليست هناك تعليقات:
إرسال تعليق