ديوان أكاليل الإلكتروني لسفراء القلم

.........

حمدى عبد الفتاح

.........

ناس

فرق مابين الناس والناس
فرق كبير
ناس بتشوك وتقطعنا
وغيرها حرير
واللى بيفرق بين الناس
طهر القلب والتفكير
ناس بكﻻمها المر تعذب
ناس ألفاظها عسل وعبير
ناس تعطى لك ماهش عايزه أى مقابل
ناس ف عنيهم خبث يدمر زى قنابل
وبتستمتع بالتدمير
ناس بتمد إيديها تساعدك
ناس يإلمها تلمح سعدك
تحقد تحسد قوى وتغير
ناس بتحب تخرب ديمأ
ناس مخلوقه للتعمير
ناس بتبيع وتخون وتفرط
ناس مخلصه وحاكمها ضمير
ناس بتعشق لون الدم
ناس بتحب تقدم خير
ناس مسجونه ف روحها وتايهه
وغيرهم حرين زى الطير
ناس بوجودهم تحلا الدنيا
وناس بيخلوا الكون ده عسير
ناس شهامتهم تحمى وتحفظ
ناس منفوخه يادوب طراطير
ناس كرامتهم حاجه تشرف
ناس الواحد مايعرفشى إنه حقير
ناس ف ذكائهم نور وسعاده
ناس بتشوفهم بناأدمين بس حمير
ياهلترا ياللى بتقرالى
عارف قصدى والتفسير ؟!!!!!