ديوان أكاليل الإلكتروني لسفراء القلم

……..

سلام الله
من ديوان ( على الربابة
للشاعر/ مصطفى فريد

………

سلام الله على الاحباب
اصحاب طه رسول الله
نبدى القول بمدح رسول
على الارغول نشيد ذكراه
طه نبينا كحيل العين
يارب اوعدنى أكون وياه
أنا والمخلصين للدين
عشان تشرب عيونى ضياه
ويفضل حبه فى الشرايين
سراج سابح فى ضى بهاه
نبى عربى شفيع وضمين
بأمر المولى جل علاه
محمد ابن عبد الله
تعالوا نكمل اللى بناه
نعيد الذكرى فى البنيان
ونحيى معاه بيوت الله
بقوة وصبر وبإيمان
نعيد فيها اللى منها تاه
نعمرها بدعا وصلوات
ونحميها بعون الله
من الحاقدين على الإسلام
نعلمهم بحنيه
بروح طاهره وعزم شباب
يكون اسلامنا وسطيه
أأمتنا مع شيوخنا
مع ولادنا فى أغنيه
كتب كلماتها قلب جميل
ولحنها بحريه
قلوب تعشق صفات الخير
وطيبه جيناتها فطريه
بتزرع فى المساجد نور
صفوف انوار ها ملاليه
قلوب عاشقه لدين النور
وخاليه من الأنانية
بيجتمعوا على الصلوات
فى كل آدان مسميه
باسم الواحد القهار
قلوب طاهره منديه
تكافلهم تزاحمهم
على الخيرات فى سرية
تراحمهم تكاتفهم
رباط ما فهش فؤيه
فقيرهم مش فقير المال
قلوب بالحب مرضيه