ديوان أكاليل الإلكتروني لسفراء القلم

..........

شعر
ناهد الموجي

..........

يوم الحساب
.........
سألت نفسي انت فين
قالت..*************..
أنا براك وبتفرج عليك
وانت مسجي يا انا مغمض عنيك
لا حول ولا قوة ولا تحرك اديك
**************
بيقلبوك ويطهروك ويغسلوك
ويلبسوك ويكفنوك ويربطوك

وفين ولادي؟؟؟؟؟

بيجهزوا قبرك هيجوا يدفنوك
*************
والزوجة مشغولة بذنوبك
رافعة ادها للسما يستر عيوبك
والمال كتير مالي جيوبك
هيقسموه..والهم والغم ينوبك

سامع كلام
الناس كتير بيودعوك
فيهم بيبكي وشوية منهم يشتلوك

رايح لوحدي؟؟؟؟؟؟

خيرك وشرك بتبعوك
ونكير وناكر يسألوك
يستجوبوك
لا المال ولا العزوة معاهم ينفعوك

والقبر؟؟؟؟

ياإما جنة ياإما نار
عملك ده فيصل ف القرار
ولا فيش وساطة ولا فرار

والدود؟؟؟؟؟؟؟

تلات تيام ويستوطن حشاك
وينهشك من كتره هخرج عنيك

وانت يا نفسي؟؟؟؟؟؟؟
معاك
إن عزبوك
هيجلدوني ويجلدوك
وإن نعموك
النور بيملا القبر وبطبطب عليك

انت السبب
يالا العجب
انا كنت رجلك وانت ماشي للحرام؟
وكنت ايدك لما تسرق كم جرام؟
وكنت عينك لما خباها الغمام؟
ولا لسانك لما هلفط بالكلام؟
نام يا همام
نام يا همام
نام يا همام