ديوان أكاليل الإلكتروني لسفراء القلم

****

****حربي علي*****

أغنية
(لف الأرض)

لف الأرض عرض وطول
مش حتلاقى زيي يقول
قلبي (ملكته) إنت لوحدك
عاشقك . أكتر من نفسك
إتمخطرجواه إنت براحتك
دا مفيش بينا . أي عزول

لف (قارات) كل العالم
وإختار قلب أحسن حاكم
صدقني هتبقى إنت الظالم
وتندم . ع القصر المقفول
لف الأرض عرض وطول

لف ودور فى أي مكان
إشتري ( قلب ) من الإنسان
قلبي أنا . فيه كل الألوان
ألوان طيفك / رسم وصول
لف الأرض عرض وطول

هات لك . دقات زي دقاتي
فيها (موسيقى) لكل حياتي
أحلفلك . لأرفع له (راياتي)
وهمزالوصل يعيش موصول
لف الأرض عرض وطول

(لف الأرض)
كلمات

شاعرالسويس