ديوان أكاليل الإلكتروني لسفراء القلم

......الجوهري عبدالله.....

بتخاصمنى ليه

بتصالحنى فى ايه
وتخاصمنى فى ايه
مابنلحقشى نفرح
ولا نتهنا بمطرح
محسودين على ايه

يسحب رمشه ويمشى
ويرد الباب فى وشى
ينام ويسبنى صاحى
طيفه معايا صباحى
طول الليل مانمشى
مش يبقى حرام عليه

يادوب يبل ريقى
بنظره ماتروى شوقى
يتغير فى ثوانى
يدينى وش تانى
غير وشه الحقيقى
بيعمل كده ليه

يا حبيبى انا بشر
ودا قلبى مش حجر
بيحس..بالمخاوف
وانت سايبه واقف
على حافة الخطر
احترت فيك وفيه

جوهريات