ديوان أكاليل الإلكتروني لسفراء القلم

*****************

بقلم ابو علي نجيب البزال

*************************

بنام وبصحى بفكر فيك

شو بلبسلك تإغريك

انت عايش جو القلب
ممنوع تضهر تإحكيك

إن فلت روحي بتفل

ضروري جنبها تضل

معها بتبقى عليها تطل

هونيك لازم لاقيك

حبيبي يا توأم روحي

قلبي بينبض الا فيك

قوم داوي بالحب جروحي

ناديني حبي وناديك

يا حبيبي بحبك بجنون

بصلي لربي يعافيك

عا وجودك انا ممنون

وبحبي بدي كافيك

جوا ضلوعي فوت وغل

حتى تواسيني وواسيك.