***** ياسر دردير*****
مين قال الغربه مره
ده المرار غربه
ومين اللي قال أن الغربه صعبه
والله الصعاب غربه
علي فكره
دول مش جربوها
ولا حسوها
ولا شفوها في عيون ناس متغربه
ولا في عيون ولاد عن اباءهم متبعده
حقيقي العذاب غربه
في عيون طفل الف دمعه ودمعه
دماء بتنزف ورا كل بسمه
مين قال أن الطفل هتلهيه لعبه
ولا لبس جديد دشداشه او بدله
وكل طفل جنبه ماسك ابوه في يده
الغربه يعرفها وبحسها اللي شافها
كداب اللي قال الغربه مره
طيب شافها في عيون ام امنيتها من ابنها نظرة
ولا غرهم كعب عالي وجلبيه معطرة
ولا كام الف مع اللي غاوي منظرة
حقيقي قالوا الغربه مقبرة
بس حقيقي المقبرة غربه
ميت كدبه وكدبه ورا الضحكه
ميت دبحه تحت الحلبية المعطرة
الغربه آه آه آه آه كدبه وجهنم وابواب مسكرة
منهم لله اللي سرقونا وقتلونا
ورمونا في مقبرة
كلماتي ابوالاسلام ياسر دردير
ليست هناك تعليقات:
إرسال تعليق