ديوان أكاليل الإلكتروني لسفراء القلم

..... مصطفى فريد ....

بيحسدوك على إيه
من ديوان/ بيحسدوك على إيه
للشاعر/ مصطفى فريد

بيحسدوك على إيه
وانت إللى كلك هم
غرقان لشوشتك فيه
مع ناس عديمة الدم
ضاعت حياتك عدم
فى سنين بتمطر غم
وليالى حزن وألم
لا خال معاك ولا عم
الكل فض إيديه
وفانوك بترسم حلم
مات واندفن من زمن.
من كتر نوح الهم
فصلت منه التوب
غزلاه خيوط الدم
صبح الزمن مقلوب
والكدب ما بيتلم
بقيت برئ متهم
إن فى حروفك علم
رسمت آهات مجتمع
فى الضحكه لما ترن
ورغم انكسار الأمل
جواك جبل مايئن

يا موزعين المحن
قلبى حفظهم صم
دفع لوحده التمن
لما اتحقن بالسم
الفكر هد البدن
والفرح عمره ما تم
الروح عشقها البكا
حبلى الدموع بالدم