...........
كلمات ابراهيم الحداد
.............
بترمينى.
وحتى وأنته بترمينى
بخاف لا الرميه تجرح أيدك .
ووجع الكون مايكفينى
لو فى يوم نزف وريدك.
أمانه بعد ماترمينى
خلى بالك من نفسك
وغطى نفسك فى البرد
وأوعى أسمع م الألم حسك .
قلبى مش هيتحمل
ونارالقلق هتكوينى .
أوعى يوم الفكر يأذيك
هتحمل ألامى أنا
ولا أنها تكويك .
ياللى أنته روحى فى دنيتي
وأنا اللى عمرى ضاع عليك
هعيش أتمنى أخرتي
ولا أكون حمل تقيل يعاديك.
ومش هتنزل دموع عينى
وحتى وأنته بترمينى .
طلب أخير من أبنى الغالى
اللى فى حبه سهرت الليالى
كل فتره أسأل عليه
ومتسبنيش بأسى لحالى
وسيبلى صورتك جنبى طوالى .
تصبرنى تعزينى وبالأهه تواسينى .
حتى وأنته بترمينى .
كلمات ابراهيم الحداد نسر الغلابه
ليست هناك تعليقات:
إرسال تعليق