ديوان أكاليل الإلكتروني لسفراء القلم

..........

الشاعرة ..ناهد الموجي

...................

ممنوع تمروا من هنا
............
زعلانة منك يا أنا
توهت عقلي من سنة
هدتني حبة من نوي
زرعتها ف قلبي الرقيق
وروتها من نار الحريق
ومن العجيب
طرحت في قلبي سوسنة
...........
رجعلي روحي يا أنا
كنا سنين عايشين هنا
إتنين ما فيش تالت لنا
قافلين علينا عشنا
كافين بخيرنا شرنا
راسمين حدودنا وضلنا
كاتبين علي باب الحياه
لاذنوب ولاثروة وجاه
هدفنا إرضاء الإله
لجلاله بنوطي الجباه
..........
دستور حياتنا من سنين
لا عذاب ولا توهة وانين
روحي وأنا أم وجنين
توهتنا في المنحني
إفرد جناحك يا أنا
وصلني للشط البعيد
رجعلي روحي من جديد
ومع ضلوعي والوريد
إقفل علينا باب حديد
بقفل مفتاحه عنيد
واكتب علي الباب السعيد
ممنوع تمروا من هنا
أكتب وسجل يا أنا
ممنوع تمروا من هنا
بقلمي