ديوان أكاليل الإلكتروني لسفراء القلم

………..

* المستشار / البير عبد الملاك ... من الاقصر 

……..

*** كلام جميل ...
................*بياخد العقل ويخلى القلب يميل ...
.............* يا امى ...
........* من روائع الام وصفاتها انها ...
* تداوى وهى مجروحه ...وتواسى وهى مهمومه ...وتفرح وهى مغمومه ...
* يا امى .. * انا عاوز اقولك انتى اول حب انا حبيته ...
.............* من غير ماشوفك بعيونى بقلبى انا حسيته ...
.............* ولما طلعت للدنيا حسيت بحبك ولمسته ولاقيته ...
* دة انتى ماليا الدنيا وبتحليها وتخليها حلوة فى عنيا ...
* ومحوطه بحبك وحنانك وعطفك حواليا ...
* ماهو اصل مين غيرك ها يحبنى زيك ويخاف عليا ...
* دة انتى اللى ربنا علا فى مقامك ...
* وكرمك وخلى الجنة تحت اقدامك ...
* وانا مهما عملت فى الدنيا علشانك ...
* مش زى لحظة ضمك ليا فى احضانك ...
* يا امى .. حبك فى قلبى وفى عروقى بيجرى بحور ...
* واسمك حروفه من دهب فى قلبى محفور ...
* يا امى ..حبك فى قلبى وفى فكرى عمره ما ها يغيب ...
* ولما بكتب فيكى بحس انى بقيت شاعر كبير واديب ...
* يا امى ..
* انا مهما عدى عليا الزمن وفات ...
*عمرى ما هانسى معاكى اجمل واحلى الذكريات...
* ده انتى اللى ياما سهرتى ..وياما شلتى ..وياما اتالمتى عشانى باصعب المات ...
* وانا مهما كتبت فيكى مش رح اوفيكى من الاشعار ابيات ...
* ده انتى يا امى اللى ربنا عظمك وكرمك من دون كل المخلوقات ...
* اهداء الى كل الامهات العظيمات ...
* المستشار / البير عبد الملاك ... من الاقصر ...