ديوان أكاليل الإلكتروني لسفراء القلم

...........

ياسر مهدي عمرو

.............

عمراوي

عمراوي معدي في حتتنا
والعين شغلاه !!!

رمى رمش العين جه علي بيتنا
وشغلنا معاه !!!

والقلب اهو داب لما نداله
بيهادي حبيبه بخلخاله
في عنيه الفرحه وعلي بيتنا
رمى نظره وقال لنا احواله
عن دقه في قلبه بيحكي لنا

والحب نداة
قال يجي يتمم فرحتنا
وتعلى في سماه

عمراوي معدي في حتتنا
والعين شغلاه !!!

رمى رمش العين جه علي بيتنا
وشغلنا معاه !!!

ولا كانش بيعرف عن قلبي
له دقه تقول خليك جنبي
الفرحه بتكمل في حارتنا
وهواك في القلب ماهوش ذنبي
دا النبض بشوقه بيتلهف

تبقى انت دواه
وبنظره بعينك علي بيتنا
للورد رواه

عمراوي معدي في حتتنا
والعين شغلاه !!!

رمى رمش العين جه علي بيتنا
وشغلنا معاه !!!

عمراوي معدي في حتتنا
والسعد اهو جانا يزور بيتنا
ومعاه راح تكمل حكايتنا
واسعد بلقاه

علي بابنا الزينه وعلقنا
زعروطه بتجري وتسبقنا
والفرح ورانا هيلحقنا
يمسح لنا اه

من اليوم دا خلاص قلبي بفرحه
قال ناوي اروح جنبه واصارحه
واتغزل في عينيه وملامحه
وافرح وياه

عمراوي دا ساكن في فؤادي
وياه خلخال جاي يهادي
وعنيه عليه رايح تنادي
وتقول اهواه

عمراوي معدي في حتتنا
والعين شغلاه !!!

رمى رمش العين جه علي بيتنا
وشغلنا معاه