ديوان أكاليل الإلكتروني لسفراء القلم

.........

نجيب البزال

.........

القلوب ملتمة
بقلمي نجيب البزال

جيت عيد احبابي بالعيد
قلبي غص والكلمة ع تمي
الصدر انشلع من كترة التنهيد
وصوت الاه نشف لي دمي
المفتاح وقع من رجفت الايد
لما سمعت صوتك يا امي
وشفت بيي بمعمل الحديد
جبينه من التعب يتصبب الميي
قلي تفضل يا ضيف شو بتريد
ورنات صوته الحاملةي همي
يمكن ما عرفني من بعيد
وهمتة عالتعب صايرة رمي
عنده إيمان وعزم وصبر عالاكيد
لمن بوست ايده زال همي
مال الدني مالو طعم ما يفيد
لما القلوب تكون ملتمي.