.....................
محمد عليوي فياض
..................
شعر
محمد عليوي فياض
عمران المحمدي
(اللي يبينا عيت النفس تبغيه
واللي نبي عيه البخت ما يجيبه)
اليصعب علينه على الباري نخليه
وحنه ابرماده او على الوادم عصيبه
جرح الكلب نوسر او ماحدا ايداويه
اوكل جرح واعلاجه اليوصفه طبيبه
والفارك ابلاده اوداره اوغواليه
او افنى شبابه بالبلاد الغريبة
صعبن على العاجز ايمره اويلاكيه
او عيب ايتسمى الما ايعينه حبيبه
لو بالسوالف جان بالعمر نفديه
لكن شغلة المال شغله صعيبة
دار الوكت بالناس والظرف تدريه
اوفرات وكتك حين تنظر عجيبه
جم حيد بالفرات ربك ايبجيه
او يخضع غصب عنه الحظه اونصيبه
الجان والي اوحيل كصرت اياديه
غصبن عليه يدفع ابصبره الضريبه
ليست هناك تعليقات:
إرسال تعليق