......................
المحجوب بوسبولة
................
/////////+++ياك شحال+++/////////
ياك شحال قلت لك ماعنديش
وانا للي تعرفني درويش
ياللي باغي مني هذ ريش
لا لا لا لا لا ما عنديش
ماشي وحدي وشحال شحال
وانا مسكين لبسني الحال
دخلتيني ف هذا الموحال
ازريبة غالية وتشنشن
ماعندي حليب ماعندي لبن
انساني عليا ماتغبن
ارجع لله ياهذا الجن
نبقاو صحاب كيف بدينا
ماتخلي دموع ف عبنبنا
ننساو ونقولوا انسينا
مسكين ماعندي اقناطر
وانا على لمعامل ساهر
حالتي افقير ياك وظاهر
مانا كداب بالصدق جاهر
ربي ف عويني كون قدي
والعالم يعرف سر جهدي
امثى يتكسر وهم قيدي
ربي ربي واخود بيدي
كلشي سحاب ف سحاب تالف
وكلامك ياهذا مخالف
وا مافي بالي ماعارف
مامنوش وا غير تخارف
ونرجعوا لله ياهذا
صح داك قرءان ولعبادة
وصلى والمسجد وسجادة
ومع الله رباح وسعادة
بقلم صقر الحروف الزجال المحجوب بوسبولة
ليست هناك تعليقات:
إرسال تعليق