ديوان أكاليل الإلكتروني لسفراء القلم

 ...................

حمداوي قويدر

...............

من كلام زجال

رمقت من بعيد جبح فيه منظر جذاب

فرح قلبي ليه جيت بالنية قاصد

قلت ناخذ منو نصيب إلى كان مكتاب

حسبته راه ملان عسل نحلو سرح مشاو بعاد

درت النية و تشهيت الشهدة ليا سال اللعاب

شكون فينا ما يبغي الحر اكون مقاد

قلت باسم الله الكريم و فتحت الباب

درت الثقة مشا ذراعي لعمقو هواد

يسارة و يمين باسمك يا اله ربنا الجواد

راسي ف السما مرفوع و عقلي راه يرجى ف المكتاب

ما قدتني فرحة قلت ف راسي هذا هو الزاد

حسيت بلفعة سمها كان ليدي عطاب

الجبح خاوي هجرو سكانو فيه كانت تصطاد

اللي مد يدو فيه بالسم تغرس الانياب

اللي ظنها عسل بحالي كان بالنية جاد

يصرا ليه كيفي و لا اكثر مادرت حساب

فهم المعنى تمعن و احذر لا تعيش نكاد

لا دير الثقة و تولي ظحية للنصاب

قالولا تصحب حتى تجرب و كونك سدّاد

و لا تضرب حتى تقرب و أحرز من غدر الكلاب

ماشي گاع الي جبح معسل في مذاقو يلذاذ

ماشي گاع اللى ذْكُورا فيهم رجلة و صواب

ماشي گاع اللي مسرج غادي يسبگ ف المحرك العياد

ماشي گاع اللي اطير نسر راه اطير حتى الغراب

لا تيق ظحكة من ولا راه كثرت الأوغاد

الناشف ما ينعصر و ما شفت حليب الكرمة راب

حرز وخوذ حذرك لا تَتْدّرْدَب في واد

البس قدك ترتاح عمر الذل ما يتلبس جلاب

عزها تعزك و لو تبقى غير وحدك فراد

قالو كمشة نحل تنفع احسن من شواري ذُباب

حمداوي قويدر