...................
نذير دهان
.............
كنا صغار وياما لعبنا
بوليس وحرامي
وقف عندك ارفاع ايديك
ويلك مجرم بدي أهدك
انا بشطارتي قبضت عليك
دخلك يابوليس حن واتركني
أبوس رجليك
********************
وكان الحرامي منا وفينا
اقللو بامرك شلون مابدك
مابقدر اقلك غير لبيك
********************
ودار دولابناسنين وكبرنا
ولسه للعبه فينا حماس
وياريت نرجع صغار نلعبها
واللي بطب عليه ينداس
حالا بالا قوام شمرنا
وصرناكابوي
من بني تكساس
الحرامي يهرب
شريف أمريكا
يصيح ياجوني
حرامي أمسيك
***************
وصارت اللعبة
دوله ع دوله
الشاطر اللي
بدو يبيد
حتى يصرلو
صوله وجوله
و ياخد شعوبنا
لعندو عبيد
يؤمر وينهي
يتنصب غوله
تقرمش فينا
كيف ما تريد
شعوب تروح
كإنها بوله
وبكل ثانيه
الف شهيد
أما لعبه
كتير مهولة
الحق على مين
دخيلك قللي
كرامه لالله
أبوس أيديك
**************
وايمتى بنخلص
من باللعبة
لا يا عمي
ما منها خلاص
عا يشين كل لحظه
بمليون رعبه
وعم نتخبا
متل صواص
آه ياعربنا
صرنا بغربه
واحدنا ببحر
همومو غطاس
ع بالي وصفه
ماهي صعبه
نتعامل بكل إخلاص
اسقيك ود
تسقيني محبه
ماشفت الا
اميرنا حاص
وراح وجهلي
الف مسبه
قللي إخرس ياخباص
من يوم يومنا
ونحنا هيك
*****************
شعر ؛ نذير دهان
ليست هناك تعليقات:
إرسال تعليق