....................
فضل عبد الرحمن
...........
شعر غنائي
=== يا باب الدار ===
يا باب الدار معقوله بتخبط
وجم الحبايب يسألوا عني
ولا شوقي يا دار خلاني مطلخبط
سمعت صوت الباب بيرن في وداني
جريت عليك يابابي والفرحه سبقاني
محتار في بالي واقول ياترا مين بيخبط
وقفت انا مكاني يحسن يكون ده خيال
وبابي يواسيني
من كتر حرماني لما انتظاري طال
جريت انا اشوف مين والفرحه سبقاني
وفتحب باب الدار بين ضحكتي ودمعي
لقيته طلع كداب قال ايه يصبرني
حرام عليك ياباب زودت لي همي
ورجعت والمشوار اعده بالخطوة
واقول يمكن حبايبي نسيوا عنواني
او يمكن الباب هو اللى ناسيني
ورجعت اعد الخطى ودمعي على خدي
مفيش فايدي غير ذكرى وكام دمعه
واكلمك يا دار واعد سنين وحدتي
واقول ليه يا الدار نسيتني فرحتي
ورجعت من تاني اقول يا باب كداب
وبرضوا كدبك حلو فكرني بالاحباب
يمكن ظروفهم كده والوم على الأسباب
وبين الشوق واللهفه ابص عليك يابا
اقول يمكن حبايبي ياباب يسألوا عني
ــــــــــــــــــــ
كلماتي بقلمي /
الأديب الشاعر فضل عبد الرحمن
ليست هناك تعليقات:
إرسال تعليق