ديوان أكاليل الإلكتروني لسفراء القلم

 ..................

أشرف محمد السيد

..................

قصيدة/

(خُد م الضراير أربعة)

{عامية مصرية }

بقلمي / أشرف محمد السيد

....................................... خيارة قالت لأختها قومي إستحمي ..

الفقر حاشش وسطها تحرق ف دمي ..

خُد م البضاعة وِشَها

إشطف وسمي *

......................................

جَمْع الضَراير مَصلحة

قادر وغاوي ..

جَراح بيكتب بالألم جراح يداوي..

قَطَعْ وخَرَطْ بالحِكم إعْدِل وسَاوي

.......................................

السعد ييجي بأربعة والفرح واحد ..

حلوة وتخينة مربربة شاكر وجاحد ..

فلاح بيزرع والهوى جامع وحاصد

........................................

لِيه الفصول كات أربعة مش بس صيف ..

علشان تدوق من سحرها برد وخريف ..

وإللي يعارض حكمتوا

فاضي وسخيف

.........................................

تمشي البهايم بأربعة تأخد وتدي ..

عنزة وجاموسة وفحلها حَارِنْ يعَدي..

طَبع البهايم زَيْنَا تركب تهدي

.........................................

يا إللي إنت رايد مصلحة بَطل فتاوي..

إنجز وستت الاربعة إن كنت ناوي ..

مرجح ودلع فرشتك وإضرب عكاوي

......................................

مين إللي قال إن الضرر جاى م الضراير ..

كأسك وكاسي هشربوا لافف وداير ..

شيشة وحشيشة رُصها وإشرب سجاير

.........................................

أكل العتاقي مَعْلَّمَة زي البداري ..

والعشق زي المفرمة ع الكل ساري ..

حُطْ ف جُيوبك أربعة والباقي داري