.....................
هشام سليم.
...............
ياعم ياعطار
اديني شوية صبر
أصبُر علي المرار
لحد مااروح القبر
ايدي بقت ف النار
مظلوم وحياتي قَهْر
مطلوب مني أعيش
سعيد وانا معاييش
مطلوب مني اتبسّم
والدنيا عليا تقسّم
تلاعبني قط وفار
الحقني ياعطار
اعملي أي خلطة
تمحيلي أي غلطة
بخّرني بأي بُخور
خلّي مشاكلي تُغُور
وهاتلي رجل أسد
تحميني من الحسد
وكمان رجلين عفريت
أبخّر بيها البيت
وأشتاتًا أشتوت
واللي يطَق يموت
حضّرلي أي جِنّي
يشيل الحِمل عني
أديني اهو مستني
أجري يعلا ويزيد
أعيش مرتاح وسعيد
ومخافش من المستقبل
وأعيش مرتاح مش أهبل
والبس شيك واتهندم
والكل يقولٌي يافندم
وأودع عيشة الضنك
يبقالي رصيد ف البنك
واصيّف ف بلاد بَرّة
اتبغدد نفسي ف مَرّة
واحس بعيشتي الحرة
وتبقي حياتي سارّة
اتصرّف ياعطار
تعبت من المشوار
مبقاش بينّا أسرار
كسّر كل الأسوار
يللا واعملي خاطر
واكتب ف الدفاتر
اصبر علي طول ياشاطر
ع الصبر مانتش قادر
عيشتك كلها أخطار
وامضي علي أقوالي
وعلي اللي قلته ف حالي
وآهاتي ف موالي
ياأجدع عطار
شهبندر التجار
شهبندر التجار
هشام سليم
كنج العربي
شاعر الحرافيش
ليست هناك تعليقات:
إرسال تعليق