ديوان أكاليل الإلكتروني لسفراء القلم

 .................

Abdelaziz Elhassani

...............

""" شامة """

مالكي ياشامة على هاد الزعامة

وليتي تحَسْني بْلا مَا

ما قهْرك زمان

ولا بيَّنْ فيك عَلامَة

نسيتي التقاليد

أوكثراتْ فيك لفهَامة

مشيتي بعيد

مضَلْلة بغْمَامَة

حسبْتيهَا حُريَّة

أورْميتي لحْيا فالقمامة

قلتي هادي حضارة

أولباقي كل أمية

أولحياة دْرَاما

أرجوع لله أشامة

راه ما تنفعك ندامة

صفِّي تْشَرْبي

واستغفري لربِّي

تولي عظامَة

كولو يْروحْ

ما تبْقى عليك مْلامَة

سمعي مليح أشامة

أوبعدي من الأفكار الهدَّامَة

أوديري لحْيا

فوق راسك عمَامَة

أشامة

-----------------

( الحساني )