......................
شاذلي محمد عبدالرحمن حسين
.....................
صفحة ف كتاب الآلام
يلا نرجع للغلابة والآلام
مهما قولنا . مش هيخلص الكلام
حتى كلمة عطف في نظركم حرام
حب نفسك . بس نفسك . عايشة يومها والسلام
بص ليها ف المرايا . هتلاقيها ف المنام
يلا نرجع للغلابة والآلام
كل مرة . والحكاية ع العوام
شوفنا فيها الطفل خاطف فرحته بنظرة غرام
حتى لو من ألف متر . حتى لو شافها غمام
عين بتحلم بالطفولة . بنظرة غطاها اللجام
واللي فيها جراح مهولة . رامية لقلوبنا السهام
حد يسأل البراءة . السعادة ياناس بكام
السؤال اللي في إجابته . قول على الدنيا السلام
كل يوم هنقول حكاية . صفحة ف كتاب الآلام
يلا نرجع للغلابة والألام
مهما نكتب ع الغلابة الكتاب ما بيتمليش
نتحدث عن واقع وآلام مخفية
شادوليات
شاذلي محمد عبدالرحمن حسين
ليست هناك تعليقات:
إرسال تعليق