............
الحلقة ( الثامنة ) من المسحراتي
من ديوان / ولسه الفؤاد عطشان
للشاعر مصطفى فريد (. ٨ . )
تتر ٠٠٠
مسحراتى داير أنادى
فى كل وادى اقول ياهادى
أحرس ولادى وانصر بلادى
على الاعادى والطماعين
نبضى فى قلبى بيدق طبلى
زى اللى قابلى جادل فى حبلى
بحرى وقبلى نجوم بتضوى
بهجة وحنين
نقلة ٠٠
نور الفنارة. جمع الحيارى
شفنا البشارة. مركب بدارى
شايله الاماره.
همه وشطاره.
والخير كتير
بورى وشبار. سبيط محار.
وقلوب عمار. من غير هزار
واخده القرار.
تبنى لها دار.
بعرق سنين.
أنا من طفولتى. الصيد مسيرتى.
أرمى شبكتى. فى بحر عشقى.
تطلع تزعرد.
وتملا حجرى.
رزاق كريم.
فيناله ٠٠
بانادى دايما الله ربى وهادى قلبى
فى كل وقت وكل حين
ادعى لربك يغفر لذنبك
ويخف جرحك ويعم فرحك
وتروق ملامحك
ويمد لينا شهره الكريم
ليست هناك تعليقات:
إرسال تعليق