............
حميد النكادي28/05/2019
.........
بغيت وبغيت
بغيت نزرع بسمه
فوجوه كلاتها لحزان
بغيت نمد لقمه
لفام لجمها الحرمان
بغيت نمسح دمعه
من عين الانسان
بغيت أنا وانت
يتحرك فينا الوجدان
ننساو الذات
نضحيو بلي كان
نزرعو الخير
ناخدو بيد الغلبان
نحميو صرحنا
نقادو فالميزان
علاش انت وانت
وجماعة سي فلان
تعيشو عيشة لعيان
والمسكين بعينو يشوف
ضاير بيه الذبان
لا حلم تحقق
ولا شاف نهار مزيان
شوف فبلاد النصارى
كل واحد دايرين لو شان
المسكين كل شهر
مبلغ ايجيه من الضمان
يحفظ ما وجهو
ما يمد يدو للعديان
بغيت أو بغيت بلادي
تكون احسن البلدان
حميد النكادي28/05/2019
ليست هناك تعليقات:
إرسال تعليق