.............
حميد النكادي
..........
مالين الواد
عيطت عيطه
فواد أماليه نايمين
لحجر سمعني وصداه
رجعلي للوذنين
و لاهوما فاقوا أوحلوا
دوك العنين.
واش نتوما هما حنا
ولا راكم مبنجين
اشعل يا قلبي
وزيد اشعل
مالين الواد فقبر
ما ميتين ما حيين
غنمهم كلاها الديب فلفجر
ؤهما عل الكلب معولين
الزريبه خوات مع لمطامر
وانتوما تشوفو راضيين
الحال ما هو حال والذياب
طامعه كتمضي فالسنين
عيطت عيطه
كون انت من الفاهمين
نوضو هزو لعلام
الذيب ما عندو
فوادنا مسكن ولا عرين
حميد النكادي
ليست هناك تعليقات:
إرسال تعليق