ديوان أكاليل الإلكتروني لسفراء القلم

..............

بقلمي / الشاعر وحيد محروس خليل

..........

((( خليك معانا )))

لسة بدري ياشهر الخير
خليك معانا طول العام
معاك الكون بيفوح بعبير
والناس عايشة بخير ووئام
***********
خليك معانا ومتسبناش
أيامك الحلوة بتفوت على طول
وقطرك سريع مبيستناش
************
خليك معانا شوية كمان
أيامك مليانة بصلاة وإيمان
وقلوبنا وياك هيمانة
طالبة العفو من الرحمن
************
خليك معانا دا الكل سعيد
لما شوفنا هلالك من بعيد
وغنالك أهلا أهلا يارمضان
وبعدها بيومين أهو جانا العيد
*************
خليك معانا كمان حبة
لجل تدوم بينا المحبة
والخير يزيد في قلوب الناس
يافرض إلهي والكل للندا لبى
************
خليك معانا طول السنة
أيامك فرح وسعد وهنا
والفرحة أكيد بتهل علينا
بصلاوتنا ودعانا لربنا
************

بقلمي / الشاعر وحيد محروس خليل