ديوان أكاليل الإلكتروني لسفراء القلم

.........

جز، من أوبريت /وطن الكل
من ديوان / وراح الخوف
للشاعر /مصطفى فريد 

..........

عيشتى يا أرض الأزهر
نور للعالم يظهر
حب الناس لكتاب الله
طول عمرنا فى عنيكى
فاتحه بحب ايديكى
وطن الكل ودين لله

عيشتى يا ضلة ولادى
بدر مرسوم ع الجبين
رغم أحقاد الأعادى
رغم أنف المغرضين
جوه منك والا بره
إنتى حرة وشئ يقين
مصر أم الكون دا كله
أغلى من كل السنين

إنتى أكبر من زمانك
والزمن فيكى جنين
أرض معروفة بأمانك
وبولادها الطيبين
خير جند الله جنودك
فى آياته مذكورين
هى دى مصر المحبة
مافيش نصارى ومسلمين

مصر معروفة الهويه
اسلاميه شئ أكيد
شعبها واعى وعزيمته
قوة بتفوت فى الحديد
بهرت العالم مسيرته
لما جاب فجره الجديد
إنتفض بالسلم أكد
مطلبه بدم الشهيد

حضن مصر إللى حامينا
مينا ايده فى إيد حسين
تزعل لما نسيب بعضينا
للفتنه تقسمنا اتنين
من بلسمها النيل يروينا
شهد مكرر للشاربين
وإللى بيشرب مرة يجينا
تانى وقلبه كله حنين

مصر يا أجمل جيرانك
فى الإيمان انتى المنار
الإيدين بادرة غيطانك
بذرة نابته بالخضار
من عرق جبين ولادك
نورت شمس النهار
ع السنين الله يعينك
هو دا قدر الكبار