ديوان أكاليل الإلكتروني لسفراء القلم

بقلم

************
أحمد طلبه
****************

طريق
مشيته
وكنت مش شايف
ولا بسمع

غلبني حنيني
لاعارف
أقرب أو أرجع

وشيلت بقلبي أحلامي
اللي خبتها
وكاتم حتي شوقي
لواحده حبتها

واديني في سكه
ولا عارف نهايتها
ياريت لو دمعي هيفيد
كنت ادمع

واعوض عمر راح مني
بدون فرحه
ياريت ارجع واشوف لي
حبيبتي بالطرحه

أكيد هي اللي بقيالي
اكيد هي بقي مسامحه
وحشتني ليالي زمان
ياريت لو لحظه
أه ترجع

أنا الخسران وانا النادم
علي عمري
انا اللي بستحمل
ومغلوب علي أمري

وادي الأيام تعدي
عليا وبتجري
كفايا إنَ انا لروحي
كتير بخدع

أنا راضي
ومش عادي
اللي انا حسه

وقلبي لا عمره حس
بفرحه من نفسه

دانا المسكين وطالب
حاجه من نفسه
لأغلي الناس
ولو يوم أنا أرجع

صحيح في الغربه انا تايه
ومتحمل
ولا عارف لفين رايح
ولا لأمتي كدا
مكمل
انا والله ف الوحده
وليه الوحده دي بتقتل

و مين من الناس كدا داري
ولا حد كدا يسمع