.................
رازيق عبد الحق ــــ المغرب ـ
...............
بغيت نعس و نرتاح
نسى لعذاب و لجراح
ما نبكي مانگول أح
برح البراح و صاح
ليوم بكري مع الصباح
گال لي مافيه رباح
حسن يطيح يتلاح
لاش صلاح الدلاح
ملي الصيف راح
و جا لبرد و لرياح
خليوني نعس و نرتاح
متجيبو لي بنان ولا تفاح
نسيتوني يام لعز و لفراح
ايام خبيز لخبز ف لفَرَّاح
لَمْرا تولد واقفة وسط لمراح
لعسل يتقطع حر من لجباح
محراث لخشب حبيب الفلاح
ليلة الخيبة مايسكت الكلب النباح
متعولو على الراجل الكماي النفاح
الزور من فمو يخرج باين وضاح
رازيق عبد الحق ــــ المغرب ــــ
ليست هناك تعليقات:
إرسال تعليق