................
السيد علي القن
..............
((( بر الوالدين )))
خليك قريب حبهم
واسمع كلامهم ودهم
أمك و ابوك
آياك تخيب ظنهم
ولا تغيب عنهم
دول اللي تعبوا
عشان تعيش
واللي ناموا سنين ع الخيش
ووفروا لك نوم ع الريش
دول اللي ضحوا بعمرهم
سهروا الليالي ماغمضوش
ولا جفن غمض منهم
خليك حنين ودهم
ارحم بكاهم ضعفهم
واصبر عليهمو برهم
ياما عطوك ف الحياه
وأمنوا طوق النجاه
لبكره ولآخر الحياه
دول فيهم ألف آه
ومنايا يوم نحسهم
وندواي حتي جرحهم
نجبر حياتنا بجبرهم
و قلوبنا تصفي لعطهم
دول اللي دعوه لربهم
بتطفي نيران الحياه
وتكتب لنا سبل النجاه
من كل شر أو سواه
خليك رحيم ولين لهم
ميل عليهم حبهم
واسمع كلامهم وافهمه
واياكة تخالف ظنهم
وألا تخالف ربهم
خليكو حليم ف برهم
وأمسح دموعهم حزنهم
واجعل ف وقتك يوم لهم
ده أنت سعادتك وسطهم
ودي دعوه مني لبرهم
أمك وأبوك طوق النجاه
والجنه تحت رجلهم
يا ريت ياسيدي تبرهم
و تعيش تحت أمرهم
كلمات الاديب الشاعر.د/السيد علي القن
ليست هناك تعليقات:
إرسال تعليق