.................
عبالحميد سالم
...................
( إبن المؤذية ) م/عبالحميد سالم
الأسعار أخدت أول طيارة
وطلعت جرى على أوكرانيا
حتى بتاع الفول ف الحارة
بيبصلى من تحت النضارة
معدش بخمسة ياسعادة البيه
وهيا الخمسة بقت تشترى إيه ؟
راح فين ضميرنا ويا ألف خسارة
****
وبعدين يا بوتين يابن المؤذية
هتخلى الفقير فينا يسف تراب
شكلك ناوى على حرب عالمية
ولو مجنون كوريا ضربها بنووى
هيخلى اللى حى عيشته هباب
****
انصحوه يا بتوع الناتو يطول باله
ومين غيركم قوى هيسمع لكلامه
يسيب عالمنا التالت ماشى ف حاله
غلابة لا لينا ف تور ولا ف طحين
ولو حد مننا داس على طرف جنابه
يبقى يستاهل كل إللى هيجرى له
ومش هنلومه لو غرز راسه ف الطين
ليست هناك تعليقات:
إرسال تعليق