..................
عبدالحليم محمد هنداوى.
.................
عالم مخطوووووف
كلاشنكوف
زعيم بلاخوف
خلا العالم
يموت مالخوف
راح اوكرانيا
وهب فثانيه
دخل خاركوف
عمنا بوتن
قال هتعيشوا
سنين فالخوف
قاله يا بايدن
لنا صدام
ولا جورباتشوف
صدام بلا نووي
انا عندى النووي
سيجار ملفوف
هولع فيكم
واخلي سلاحكم
حديد معكوف
ودخل الكوري
وخلا العالم
جحيم محفوف
والصين ما تنام
قالت تايوان
بلاد مخطوف
وعمنا بوتن
قال ال معايا
هياكل باتيه
وعيش منفوخ
وال هيبعد
لا يلاقي فرخه
ولا لحم خروف
القمح دا عندى
هسقيه بالنووي
وقرب شوف
وتمخض بايدن
وقاله يا بوتين
مفيش دولار
ولا سنت تشوف
والشرق مسكين
ما بين الاتنين
محتار مكسوف
يا ابو ماريا
اهدى شويه
دنيا غروره
والمتغطي
بيها مكشوف
تعبنا يا عالم
امتى العالم
يعيش بلا خوف
زجل بقلمي د. عبدالحليم محمد هنداوى.
ليست هناك تعليقات:
إرسال تعليق