............
الحلقة الثالثه من مسلسل
(( يوميات ام سعيد في رمضان ))
من مؤلفات الأديب الشاعر فضل عبد الرحمن
----------
المشهد رقم 1 - ن - خ - في الحارة
------
منظر لحي شعبي من احياء مصر القديمة الجميلة التي تأج بسكانها وصفاتهم النبل
والشجاعة والأصالة في حارة من حارات هذا الحي تسكن ام سعيد وبينما
وهي تمشي في الحارة وتجوب هنا وهناك اذ بها
------
ام سعيد = ازيك يا معلم شكري عامل ايه رمضان كريم
المعلم شكري = الله يخليكي ياست ام سعيد الله اكرم
ام سعيد = امال فين ياخويا ام حسين مراتك مش باينه يعني
المعلم شكري = خير يا ام سعيد عاوزه ام حسين فأيه ربنا يستر
ام سعيد = ربنا يســـــــــــــتر ؟ ليه ياخويا هو انا لسمح الله وليه شرانيه ده انا
حتى زي النسمه
------------ فلاش باك -------------
المشهد رقم 2 - ن - خ - في الحارة
-----
ام سعيد = تقابل ام حسين في الشارع تسلم عليها وتقول لها وحشاني موت
يابت والنبي هاتي بوسة اممم امممم امممم من زمان مش شيفاكي
ام حسين = ماتشوفي وحش يا ام سعيد وانتي كمان ياختشي وحشيني اوي
ام سعيد = انتي يابت من ساعت ما اجوزتي المعلم شكري وانتي احلويتي كده
بعد ما كنتي مقشفه ومحدش معبرك
ام حسين = انا كنت مقشفه ياللي شبه البومه فاكرة زمان ولا نسيتي لما اطفال الحارة كانوا بيخافوا منك على رآي المثل ( من يومك ياهدى وانتي كده )
وتقوم خناقة لرب السما والناس تصلحهم هههههههههههههه
------------ فلاش باك -------------
المشهد رقم 3 - ن - خ - في الحارة
-----
ابو سعيد = يتأسف لام حسين معلهش يا ام حسين عندي دي يامرات اخويا
انتي عرفاها وليه مخها طاقق
ام حسين = انا عارفه يا ابو سعيد يا خويا ايه اللي رماك الرميه السوده على
الوليه دي هههههههه
ابو سعيد = النصيب يختي النصيـــــــــــــــــــــــــــــــــــــــــب ههههههههه
المعلم عبد الشافي الجزار = النصيب غلاااااااااااااااااااااااب ههههههههه
ابو سعيد = اضحك ياخويا ههههههههه ما هو اللي ايده في الميه مش زي
اللى ايده في النار ههههههههه
ام سعيد = ماله نصيبه انت كمان يا جزار الغبرة ولا انت مش لاقي حد يلمك
مش كفايا بتبيع اللحمه غاليه ومستحملينك ومستحملين غلب الزمان
المعلم عبد الشافي = ياوليه يا شر هو انا يعني بغلي سعر اللحمة بمزاجي ما
كل حاجه غاليه اهو يعني هو بايدي
ام سعيد = ايوه بايدك يا جزار الغبرة دي حتى العجول رخيصه اليومين دول
وانت مفيش فايده برضوا رافع السعر ياراجل ده حتى انت بتقول صايم
المعلم عبد الشافي = بقول لك ايه روحي يختي اشتكيني للحكومه
ام سعيد = حكووووومة شالله يا حكومه هي الحكومه لو تحط اسعار للسلع
كان كل تاجر يتلم ويبع بالتسعيرة لكن طلاما هما عايشين كويسين بناقص
الغلابه مش محسوبين على الدولة
المعلم عبد الشافي = سلام قول من رب رحيم هههههه اللهم اني صايم هههه
ابو سعيد = ياوليه اتلمي وخلي عندك حصوة ملح هو لول الحكومه كنتي
عرفتي تمشي بامان في الشارع انتي ماشيه تشاكلي في خلق الله وتقولي
صايمه ربنا ياخدك يا بعيدة - الصيام صيان يعني تصوني لسانك ده اللى
عاوز قطعه من اذيت الناس
ام سعيد = هو انا ياخويا جبت سيرت الحكومه ولا شكلت في حد ده انا لا
بهش ولا بنش ده انا حتى زي النسمه ههههههههههه
---------
وغدا نلتقي وحلقة جديدة مع ام سعيد في رمضان هههههههههه
وكل عام وانتم بخير رمضان كريم
=================================
مسلسل
(( يوميات ام سعيد في رمضان ))
من مؤلفات الأديب الشاعر فضل عبد الرحمن
جميع حقوق الطبع والنشر محفوظة وملك للمؤلف
ليست هناك تعليقات:
إرسال تعليق