ديوان أكاليل الإلكتروني لسفراء القلم

..........

                                                                   سيد حفناوى القاضى

ضحكو علينا ضحكه كبيره
قلنا التابلت جى اهو لينا
بدل الشيله رايح جاى 
والكتب كسرت وسطينا
بدل الدرس فى عز البرد
ونهينا على فلوس اهالينا
اول مره امسك تاتش
عاوز اخده فى حضنى يدفينى
قلت انا افتح نت وادرس
وف وقت فراغى يسلينى
اول ما افتح انا واذاكر
النت يشتت تفكيرى
ابوى يقلى ياواد فرجنى
او هاتلى اغنيه تسلينى
والله ياولدى عشنا وشفنا
التعليم اتطور بينا
اول مره نسبق شعب
والعالم.على طول قبلينا
اصبر ياابا شهر كمان
كل شويه يجربو فينا
من الفجريه اجهز نفسى
واذاكر واروح للمستر
قلى ياسيدنا حاجه مفيده
قلى ياولدى والله مااعرف
انا زيك بيجربو فينا
واجهز نفسى والتابلت
والشاحن مايفارق يدى
انا خايف م الشحن يخونى
ويهرب تابلتى كهربته
ويضيعلى الغالى درجتى
بعد ما اهدى وارتب نفسى
واتفاجى مع كل زمايلى
السيستم ودع يا اخوانا
وصاحب السيستم حن علينا
ماهو عالم بظروف سيستمنا
احنا اخرنا يجربو فينا
نصيحه منى يا اخوى واحفظها
لوليك غالى فى الثانويه
عامله بشويه حنيه
عايم فى البحر ومش راسى
والمرحله راحت فى التابلت
وياعالم فى الجايه ظروفه
مش يمكن يجنو علينا