............
بقلمي / الشاعر وحيد محروس خليل
..........
((( صرخة )))
أخرج عن صمتك
عبر عن نفسك
قول إللي ف قلبك
.................. ولا تخبيش
دور في روحك
وداوي جروحك
وعدل من نفسك
................ وواجه وعيش
أصرخ بعزم صوتك
لزمانك يوم يفوتك
إثبت وجودك
.............. من التهميش
إفرح بفرحك
وإحزن لجرحك
عيش لحظتك
................ ومتداريش
حس بكلامك
حلمك قدامك
وإكظم غيظك
................ ومتحكيش
إحكي قصتك
وكمل غنوتك
وعيش نشوتك
................ ومتشكيش
إنحت في الصخر
واحفر في النهر
وإزرع وردتك
................. ومتخليش
إغزل بنولك
توبك من لونك
حدد مصيرك
................ دي ماتساويش
إمسك لسانك
يصونك حصانك
يبدأ زمانك
................ وما ينتهيش
قلبك جوا ضلوعك
طهر عينيك بدموعك
إروي عطش سنينك
................ من مفيش
شمر دراعك
بكرة دا بتاعك
وشد بسنانك
................ ومتنحنيش
شق الحيطان
وإفتح بيبان
وهدي خطوتك
................. ومتجريش
إكسر حاجز الخوف
وحطم كل الظروف
وإفهم دنيتك لكن
............... ماتفتريش
وعجبي...
بقلمي / الشاعر وحيد محروس خليل
ليست هناك تعليقات:
إرسال تعليق