..............
نذيردهان
..................
نظرا لسابع المستحيلات المواطن النزيه
يتمكن من شراء اللحم إلا من رحم ربي
كتبت هذه القصيده
كيف الصحة يالحمه العند القصاب
كرامه لالله قوليلي ليش طيفك غاب
كنا دايما نتلاقى بأيام الرخص
هبره دهنه كلاوي شقف وكباب
كنت أكشك وأشويكي على هالنيران
يعج دخانك واجاكر فيكي الجيران
وهاليوم طيفك غاب عني قلبك صوان
ويلي عليكي من بعدك عيشي ما طاب
دخيلك طلي لومره وحده بالشهر
دموعي يا حلوه ع غيابك عم تجري نهر
طلبت أيدك م القصاب غلا المهر
قلتلو دخلك راعينا بتنال ثواب
قال عمي روح ع الحقله وشوف الغنمات
على رقص وفقش بهالدنيا متلن هيهات
قالوا الغلا ياعيني اش الو حسنات
نجانا فرحنا وصار عنا برودة اعصاب
صرخ الحمار يا ويلي إجا دوري أنا
القصاب قرب على عنقي واجلي دنا
ضحك القصاب قال عنك انا مالي غنى
شهنق الحمار صار يصرخ شو هالصواب
لأجل تعودي ياهاللحمه بسحب أوراد
أبكي واندب تعا جنبي و دق ياعواد
كلمة لحمه لغيتا هيك الله راد
من بعدك صارت هالمعده أطلال خراب
الغلا بكل يوم بيرفع سلعه ويجور
ولسه بعدا على حالا هيه الاجور
الدمعه بتلحق الدمعه والدم يفور
ونسأل عنك لحمتنا مانلاقي جواب
موال
لحمه
ل
لا تبعدي ماالي بعدك وليف
ح
حلمي اشوفك متربعه فوق الرغيف
م
ما كان ظني يقسى قلبك وتهجري
ه
هنيني دخلك،،شوقاسي قلبك؟؟يالطيف
شعر، ، نذيردهان
ليست هناك تعليقات:
إرسال تعليق