ديوان أكاليل الإلكتروني لسفراء القلم

 ...............

صبري رسلان

...........

برواز حداد (438)

..................

أصل الحكايه بدون بدايه ما تتحكيش ..

عصابه راحوا يسرقوا

بيت الشاويش ..

لموا وعبوا ومن الطمع

ما بيكتفيش ..

كام روحه جايه محملين

إشي خفيف إشي ثقيل

من بيت لبيت عاللي جرا

يحكوا ده مين اللي قدر ونط سرق المندرة

جهاز عروسه مشواره

عاشت يتيمه بدون سند خدها الشاويش لا له ولد ربوها زي بنتهم

من حسنها ونعم الأدب

زغاريد دي فرحه بتتخطب ..

كان حاله مايل ما أتعدل ولكيفه لازلم يتسطل

من الدار للنار كده بالأصول أدي دبلتك متشكرون ..

من حقده بان غدره اللئيم ماشي ع الصراط المستقيم

بالليل بيسرق فى البلد

والصبح يجري عالصلاة

وإستغفر الله العظيم

قادر لربك يفضحه

في مجلس نميمه إتسطل بلسانه قال المستحيل ..

مسكوا اللي سارق واللي

باع دسته عصابه

من الجياع

لولاك يا فقر ما أمد أيد

والحوجه أقوى من الحديد ..

فقير وقرب يختفي يادوب ده أسم

على ورق برواز حداد

له روح وجود

من يوم ميلاده للممات سدود سدود سدود

بقلم .. صبري رسلان