.................
نذير دهان
................
عندي شهامه وكرامه وفي عندي ضمير
عرضتن للبيع ولا شاري اجا قللي بكام
عريت وجعت وبعيشتي دقت التعتير
اللي يعدي قدامي ولا يرمي سلام
يقللي بضاعتك هي خرضه كبا بالبير
ماناقصنا بهالدنيا خيله و اوهام
****************************
جيب نداله وخيانه بينباعوا قوام
حاجه تلعي ياعمي تعذب حالك
بحيت صوتك احلفلك بالله حرام
يعني ياخيي ماشايف اللي قبالك
ناسنا صايره عم تهوى حقاره وأجرام
توطي شريفنا وتذلو و تعلي حقير
***************************
إجاني ختيار وقللي اسمع يافلان
هدي عليي وافهمني اش بدي أقول
خدها حكمه من تمي ولا تقول خرفان
بيحكي كلامو بيهلوس ماهو معقول
ياأبني اللي عندو كرامه مابقالو مكان
عسل،،وعما بيتحمل قرص الدبابير
****************************
جاري عندو نميمه وكذب ونفاق
عما يبيعن والشاطر بيقللو هات
قلتلو يازلمه هيك بضعه مابظن تنطاق
قللي ياعمي بهالتجره بكسب الوفات
تقللي مروه وشهامه تقللي اخلاق
بضعه خايبه زمانا راح عدى وفات
مالقيت حالي غير بصرخ الطف يامجير
******************************
طبعا هادا بحارتنا الصاير هيك
لكن آه لوتطلع على غير حارات
روح أتفرج شو صاير شبرق عينيك
ناس الله واسم الله متل الزهرات
بخافوا ربن لو سافل يلتموا عليك
بتاكل قتله مااظن بتحملها حمير
*****************************
*****************************
شعر ؛ نذير دهان
ليست هناك تعليقات:
إرسال تعليق