....................
أحمد الكندودي
................
زجلية تحت عنوان :
ما بقى معقول***
ما بقى معقول
لعجاجة ريبت الحشمة ؤكبر لغول
شمس بضوها بكات
بالحنظل والملحة سوكات
تحراميات بنادم ؤلخدع ف لقول
دري عمى ولى يلعن بوه
يتشاير بيدو واخذوا عدوه
الزريعة المالحة والحال المعلول
ما بقا معقول
لمرا ما كفاها واحد
خرجوا رجلها شواري واللحظ شاهد
هرسات الكلة ؤ ترعت لكُول
ؤ لأخرى سقيمة تنعل في الرجال
حيت م طلع زهرها غ مع بغل من لبغال
ؤنسات ولاد ؤبنات لعفة والاصول
ما بقى معقول
شرفات ؤ تلفت بغاتوا صغير
تنهب الجيب ؤ تعطيه اش تدير
ماتت فيها لمحبة ؤبان المدلول
ما بقى معقول
لبو كفظ ؤخوى الدار
لاح كلشي ؤمن لقهوى لبار
ناض لعجب ؤذبال القلب والسبول
ما بقى معقول
*** الزجال والشاعر: أحمد الكندودي *** المغرب***
ليست هناك تعليقات:
إرسال تعليق