.................
محمد عباس
..................
( ابورنه )
.....................
بقلم الكاتب
محمد عباس
الاسماعيليه
.....................
كتير م الناس بتتغير
ونسيه عمرها قصير
تلف تدور بتتحور
تمر سنين مابتدور
وبعد سنين تيجي المنه
وعمر يضيع بدون رنه
ولحن قصير بيتغني
خساره بعاد من الجنه
صلة ارحام ولاهمة
وليل ونهار بنستني
لاعاد لاضمير ولاذمه
ويوم ورا يوم بنتمني
نشوف الضحكه من تاني
مابين اهلي وخلاني
وكل الناس تعود تاني
تحب الخير وتتفاني
ياروح الروح بنشتاق لك
تيجي وتروح بدون اهلك
بدون افراح علي مهلك
كفاية فراق بنندهلك
ساعات وشهور بنتعلم
ننام نصحي بنتالم
تيجي لا تفوت ولاتسلم
وبين الناس بتتكلم
قلوب تايهه و محتاره
ونظرة عين وجباره
ونيه خفيفه وحجاره
تشوف وتلف باشاره
مابين الساعه والتانيه
يااما مريض وفي الدنيا
نبص نشوف خلال ثانيه
يقولوا ده غادر الدنيا
لافي لا جسور لحنيه
وكل الجور وحراميه
ميراث وقصور وكراهيه
ووقفه طابور علي مهيه
اسر وعيال بدون سكه
قلوب واكلاها كام عته
ضاعت وهي في اللفه
بدون لا ذكري ولافكه
ليست هناك تعليقات:
إرسال تعليق